Monday, January 30, 2006

അടുത്തക്ാലത്ത‌് വായിച്ച ചില പുസ്തകങ്ങള്‍

അടുത്തകാലത്തായി ചില പുസ്തകങ്ങള്‍ വായിച്ചു.

നൃത്തശാല-സിതാര എസ്‌.
നല്ലൊരു ഭാഷയുണ്ട്‌ സിതാരക്ക്‌. വികാരങ്ങളെ അരിച്ചുപെറുക്കി, കോര്‍ണര്‍ ചെയ്ത്‌ കൊണ്ടുവന്ന്‌, കളിക്കാരന്‍ ഗോളടിക്കുന്നതുപോലെ..അവസാനം ഒരു ഗോളടിയാണ്‌. നല്ലശൈലി.

ഐസ്‌ 196 - ജി.ആര്‍ ഇന്ദുഗോപന്‍
കോട്ടയം പുഷ്പനാഥിന്റെ അല്ലെങ്കില്‍ 'ശാസ്ത്ര നോവലുകള്‍'എന്ന്‌ പറയപ്പെടുന്നതിന്റെ ഒരു തരം കോപ്പി. മുഴുവന്‍ വായിക്കാന്‍ മിനക്കെട്ടില്ല.

സംഘപരിവാര്‍-ഇന്ദു മേനോന്‍
തരക്കേടില്ല. പക്ഷേ സിതാരയുടെയത്ര കൂര്‍മത ഇല്ല എന്ന് ഒറ്റവായനയില്‍ തോന്നി.

ആധികളുടെ പുസ്തകം-മനോഹരന്‍ പേരകം
ഇത്‌ ശരിക്ക്‌ വായിച്ചിരിക്കേണ്ട ഒരു നോവലാണ്‌. മനോഹരന്റെ ഭാഷയും ശൈലിയും ഒന്ന്പ്രത്യേകം തന്നെ. വാക്കുകള്‍ക്ക്‌ പുതിയ അര്‍ഥം കണ്ടെത്തുക/പുതിയ ഭാവുകത്വം എന്നൊക്കെ പറയുന്നണ്ടല്ലൊ, ഇതു വായിച്ചാല്‍ അനുഭവപ്പെടും. അദ്ധ്യായങ്ങള്‍ക്ക്‌ മുകളിലെഴുതിയ ചെറിയ നാലുവരികള്‍ പലപ്പോഴും അധുനിക കവിതയ്ക്കടുത്തുനില്‍ക്കുന്നു. ഒന്ന്‌ വരി മാറ്റിയെഴുതിയാല്‍ മതി! ഇദ്ദേഹം ഒരു ബഹ്‌റൈന്‍ വാസിയാണെന്നു കണ്ടപ്പോള്‍ വളരെ മതിപ്പുതോന്നി. ഗള്‍ഫ്‌ പ്രവാസികള്‍ ഇങ്ങനേയും എഴുതാന്‍ കഴിവുള്ളവരാണല്ലോ.

1 comment:

സ്വാര്‍ത്ഥന്‍ said...

ഇവയൊന്നും വയിക്കാന്‍ ഈ ജന്മത്ത് സാധിക്കുമെന്ന് തൊന്നുന്നില്ല. ഇത്രയെങ്കിലും അറിയാന്‍ കഴിയുന്നത് മഹാഭാഗ്യം. നന്ദി സുനില്‍