കാട്ടാളബുദ്ധി

"അതേയ്‌, ഹരീടെ വേള്യാത്രെ!"

"അതെന്താ അയാള്‍ക്ക്‌ കല്ല്യാണം കഴിക്കാന്‍ പാടില്ലാന്നുണ്ടോ?"

കുറച്ചു കഴിഞ്ഞും ശബ്ദമൊന്നും കേള്‍ക്കാനില്ല. കയ്യിലിനും പാത്രത്തിനും തമ്മില്‍ പെട്ടെന്നു നല്ല സ്നേഹം എന്ന്‌ ശബ്ദം കേട്ടപ്പോള്‍ തോന്നി. തല ചെരിച്ചൊന്നു നോക്കി. സംഗതി പന്ത്യല്ല. ചോദിച്ചത്‌ ഓര്‍ത്തുനോക്കിയപ്പോഴാണ്‌ വികടത്തരം മനസ്സിലായത്‌. ശ്ശെടാ, ഇനി സുഖിപ്പിക്കണമല്ലോ.

"എവ്ടുന്നാ?"
ഒരക്ഷരം മിണ്ടുന്നില്ല.

"നിന്നോടാ ചോദിച്ചത്‌, എവിട്ന്നാ വേളി?"

"എവ്ട്ന്നാച്ചാ ആയ്ക്കോട്ടെ"

"എനിക്ക്‌ വിരോധന്നൂല്ല്യ"

"അല്ലെങ്കിപ്പൊ ഇവിടെ വിരോധാന്ന് ഞാന്‍ പറഞ്ഞ്വോ?"

"ഏയ്‌, നീയങ്ങനെ പറഞ്ഞൂന്ന്‌ ഞാനും പറഞ്ഞില്ല്യലൊ"

"എന്തിനാ വിരോധിക്കണ്‌?"

"അല്ല, നിനക്ക്‌ വിരോധണ്ടോ?" എരിതീയില്‍ എണ്ണയൊഴിക്കാണ്‌ ന്ന്‌ കയ്യ്‌ കിണ്ണത്തില്‍ ഇട്ടു
മുട്ടുന്ന ശബ്ദം കേട്ടപ്പോള്‍ തോന്നി.

അന്തരീക്ഷം ശരിയല്ല. ദുശ്ചോദ്യം ചോദിക്കുന്ന കാട്ടാളബുദ്ധിയെ ഓര്‍ത്തുകൊണ്ട്‌ പതുക്കെ അവിടെ നിന്ന്‌ മുങ്ങി.