സിനിമ - അപക്വമായ ചിന്തകള്‍

The music of silence
Entered my heart
And made seven holes
To make it a flute

ഉമേഷ്‌ കാണിച്ചുതന്ന ഈ കവിത

രാമന്‍ കുട്ടിനായര്‍ക്കു എണ്‍പതുവയസ്സു തികഞ്ഞൂ എന്നു പത്രങ്ങളിലും സമകാലീന മലയാളം വാരികയിലും വായിച്ചപ്പോള്‍ ഓര്‍മ്മ വന്ന പഴയ കളിയരങ്ങുകള്‍

കഥകളി പ്രമുഖരുടെ ഒരു കൂട്ടുചേരലില്‍ ‍ഒരു പ്രമുഖ സിനിമാ നടന്‍ (ക്ഷണിക്കാതെ??) വന്നപ്പോള്‍ ഒരുപാട്‌ പേര്‍ അദ്ദേഹത്തിന്റെ പിന്നാലെ പോയി എന്ന കേള്‍വി

അടുത്ത കാലത്തുണ്ടായ ചില സ്വകാര്യ സംവാദങ്ങള്‍

പിന്നെ "ആശാന്‍ കവിതയും അഭിനേതാവും" എന്ന, സിനിമാനടന്‍ ശ്രീ മുരളിയുടെ ഒരു കൃതി

കൂടാതെ,

സാല്‍ വദോര്‍ ദാലിയുടെ "ഒഴുകുന്ന സമയം" ധരാളം ചിന്തിപ്പിച്ചു. അതും ഒരു തവണ പെയ്ന്റ്‌ ചെയ്തതു തന്നെ അല്ലേ? ശരിയാണ്‌. ശില്‍പങ്ങളും അങ്ങിനെ തന്നെ. പക്ഷെ അവയെല്ലം ഒരോതവണ കാണുമ്പോഴും mood വേവ്വേറെയാവും. അപ്പോള്‍ കൂടുതല്‍ വിവിധങ്ങളായ രസങ്ങളും ജനിപ്പിക്കും

ഇവയെല്ലം കല എന്നര്‍ഥത്തില്‍ അപരിപൂര്‍ണമാണ്‌. പരിപൂര്‍ണമാക്കുന്നത്‌ അനുവാചകനാണ്‌. അവനവന്റെ ഇഷ്ടം പോലെ പൂരിപ്പിക്കാം

എല്ലാം കൂടി എന്റെ പഴയ, അപക്വമായ ഒരു വിചാരം തേട്ടിവരാന്‍ സഹായിച്ചു. അപ്പോതോന്നി മച്ചിലെ ബ്ലോഗ്‌ ലയിനില്‍ തൂക്കിയിട്ട്‌ പുകവച്ച്‌ പാകപ്പെടുത്താമെന്ന്‌. (പക്ഷേ തേട്ടിവന്ന വിചാരം തൂക്കിടാന്‍ പറ്റ്വോ? സാരല്ല്യാ ല്ലേ?)

എന്താണെങ്കില്‍:

ഈ സിനിമ എന്നു പറയുന്നത്‌ ഒരു കല ആണോ? അതില്‍ അഭിനേതാവിനൊ അല്ലെങ്കില്‍ കാണികള്‍ക്കൊ "രസം, നവാനുഭൂതി" എന്നിവ വേണ്ടപോലെ കിട്ടുന്നുണ്ടോ?

ഒരു performacne art ഒരേ നടന്‍ തന്നെ വിവിധ രംഗങ്ങളില്‍ ചെയ്യുമ്പോള്‍ ഒരോന്നും നമുക്കു നവ്യാനുഭൂതിയാണ്‌ തരുന്നത്‌

മുകളില്‍പറഞ്ഞ കവിത ഒരോവട്ടം വായിക്കുമ്പോളും, മതിവരാതെ പിന്നെയും പിന്നെയും വായിക്കന്‍ തോന്നുകയാണ്‌ "സാഹിത്യരസമാധുര്യം ശങ്കരോവേത്തിവാനവ" എന്നത്‌ ശരിയല്ലെ?

സിനിമ എന്ന industryകൊണ്ടുപജീവനം കഴിക്കുന്നവര്‍ ധാരാളം. നമ്മുടെ ചാനല്‍ക്കാര്‍ തന്നെ ഉദാഹരണം.
സത്യജിത്‌ റേയുടെ "പഥേര്‍ പാഞ്ചാലി" തുടങ്ങിയവ കണ്ടിട്ടുണ്ട്‌. നോവലുകളും വായിച്ചിട്ടുണ്ട്‌. രണ്ടും classic ആയി തോന്നുകയും ചെയ്തു.
എന്നാലും ഒരു ശങ്ക! സിനിമ ഒരു കൂട്ടായ്മയുടെ വിജയമാണ്‌. അതില്‍ അഭിനേതാവിന്‌ അധികമൊന്നും ചെയ്യാനില്ല. അഭിനേതാവു പരാജയപ്പെട്ടാല്‍ അവിടെ
technology ഉണ്ട്‌ സഹയത്തിന്‌. അല്ലെങ്കില്‍ ദിലീപിനെപ്പൊലുള്ളവര്‍ വലഞ്ഞേനേ. മമ്മുട്ടി, മോഹന്‍ലാല്‍ തുടങ്ങിയവരുടേയും സ്ഥിതി മോശം തന്നെ.

അപക്വമായ ചിന്തകള്‍ ആയതിനാല്‍ ഇവിടെ നിര്‍ത്തട്ടെ.

ബാക്കി കിണറ്റിലെ മറ്റു മണ്ഡൂകങ്ങളുടെ കൂടി അഭിപ്രായം അറിഞ്ഞിട്ടാവാം.